Formación SIUSS - 2º semestre - 2018
FORMACIÓN PRESENCIAL DE SIUSS-2018
Dentro do plan de formación de servizos sociais comunitarios que promove o Ministerio de sanidade, consumo e benestar social, e organiza a Consellería de política social van realizarse 2 xornadas formativas sobre SIUSS, de 5 horas de duración, neste 2º semestre do ano.
A 1ª xornada estará destinada a traballar sobre o Módulo de desprotección infantil de SIUSS.
A 2ª xornada estará destinada a traballar sobre a explotación estatística de SIUSS, asi como a súa vinculación co plan concertado.
Esta formación presencial de SIUSS- 2018, está destinada a profesionais en activo do equipo técnico de servizos sociais municipais.
Realizarase na aula de informática da Consellería de Política Social en San Lázaro - Santiago de Compostela, en horario de 9:30 a 14:30
Para a inscrición é preciso enviar a solicitude debidamente cuberta a: soporte.siuss.ctb@xunta.es
Prazo de remate de solicitude: 25 de outubro de 2018
FORMACIÓN SIUSS- NOVEMBRO-2018.
XORNADA 1ª
Día 19 de novembro: Xornada sobre o módulo de desprotección infantil de SIUSS
Alumnado destinatario: profesionais en activo, de educación social e familiar dos servizos sociais comunitarios e outras/os profesionais responsables do Servizo de educación e apoio familiar.
Horario de 9:30 a 14:30
Lugar: aula de informática da AMTEGA en San Lázaro (edificio ao lado do SERGAS)
Docente: Carmen de la Sierra Vázquez
XORNADA 2ª
Día 21 de novembro: Xornada sobre explotación estatística de SIUSS e a súa vinculación co plan concertado.
Alumnado destinatario: profesionais dos servizos sociais comunitarios con responsabilidades de xestión de datos SIUSS.
Horario de 9:30 a 14:30
Lugar: aula de informática da AMTEGA en San Lázaro (edificio ao lado do SERGAS)
Docente: Manuel Penido Barbazán
As persoas interesadas enviarán a solicitude cuberta a: soporte.siuss.ctb@xunta.gal
Prazo de solicitude: ata o 25 de outubro de 2018.
Información adicional:
As solicitudes poden facerse por unha xornada de cada modalidade.
As persoas que soliciten as 2 xornadas deben poñer a data por orde de preferencia.
Para a selección das accións formativas, terá prioridade a persoa solicitante que non teña formación e, de ser o caso, as persoas que non teñan realizada ningunha outra xornada do mesmo plan no ano anterior nin no semestre anterior deste mesmo exercizo.
